Gjør boligjakten enklere med vår boligvarsling. Legg inn dine ønsker – vi sier fra så snart en eiendom som matcher dine kriterier legges ut for salg. Raskt, enkelt og helt gratis.
Går du med planer om å selge - ta kontakt med en av våre meglere for en uforpliktende prat.
Bestill verdivurderingTotalt bruksareal: 85,0 m²
BRA-i: Internt bruksareal. BRA-e: Eksternt bruksareal. Dersom dette arealet befinner seg i sameie, borettslag, aksjesalg e.l. vil normalt sett disse arealene ikke være eid av boligen, de er kun disponert på salgstidspunktet. Arealet kan f. eks. omrokeres av styret i ettertid. BRA-b: Innglasset balkong. GUA: Gulvareal. ALH: Areal med lav himlingshøyde.
Se vedlagte tilstandsrapport for nærmere beskrivelse av arealene. Arealene er oppmålt av bygningssakkyndig og ikke kontrollert/oppmålt av eiendomsmegler. Arealene er oppgitt iht NS 3940 Areal- og volumberegninger av bygninger.
Velkomen til Bjørkevegen 18B!
Ei lys og tiltalande leilegheit med attraktiv plassering og trappefri tilkomst.
Sørvendt eigedom med panoramautsikt over Volda sentrum med fjorden mot vest og Rotevatnet mot aust.
Leilegheita er innbydande med praktisk planløysing og gode lystilhøve.
Særs god takhøgde på stove/kjøken som gjev god romkjensle og slepp den fantastiske utsikta inn.
Leilegheita er på eit plan og inneheld: Gang, 2 soverom, bad/vaskerom, og stove/kjøken med utgang til romsleg overbygd og vestvendt altan.
Sportsbod ved inngangspartiet og ein plass i felles carportanlegg.
Ein særs triveleg eigedom med flott beliggenheit, moderne preg og kort veg til flott turterreng, perfekt for deg som ønskjer ein lettstelt og god heim.
Bustaden har solrik og fin beliggenheit i attraktivt bustadområde på Klepp.
Roleg beliggenheit i enden av blindgate.
Panoramautsikt over Volda sentrum og Voldsfjorden.
Kort avstand til skular, barnehagar, sjukehuset og sentrum med butikkar, kafèar og øvrige
sentrumsfunksjonar.
Flott turterreng i umiddelbar nærleik.
Stilfull og moderne leilegheit med nydeleg panoramautsikt i attraktivt område.
Leilegheita er på eit plan og inneheld: Gang, 2 soverom, bad/vaskerom, og stove/kjøken med utgang til romsleg overbygd og vestvendt altan.
Sportsbod ved inngangspartiet og ein plass i felles carportanlegg.
Leilegheita er bygd i 2015, og framstår i tiltalande og moderne stand. Den har god planløysing og fine detaljer.
Kjøken:
Lyst kjøken med godt arbeidslys, fin utsikt og stor spiseplass.
Kjøkeninnreiing frå Senator med grå og kvite frontar og lys benkeplate.
Integrert induksjonstopp og steikeomn.
Oppvaskmaskin med møbeldør. Frittståande kjøleskap kan medfølge etter avtale med seljar.
Stove:
Lys og romsleg stove med store vindaugsflater og godt lysinnslepp. Mønt himling gjev god takhøgde og eit luftig preg i opphaldsrommet.
Utgang til solrik overbygd veranda med flott utsikt over sentrum og Voldsfjorden og fjella ikring.
Solskjerming med sensorstyrt zipscreen.
Varmepumpe.
Bad:
Pent flislagt bad i moderne fargar og varmekablar i golvet.
Dusjkabinett.
Vegghengt wc.
Moderne baderomsinnreiing med heildekkande servant og god skapplass.
Speil med lys.
Smart løysing med store skyvedører med speil deler bad og vaskerom. Vaskeromsavdelinga har opplegg for vaskemaskin, VV-bereder og ventilasjonsanlegg.
Golv:
I hovudsak laminat.
Flis på bad/vaskerom.
Veggar:
I hovudsak måla flater.
Flis på bad.
Himling:
Kvite himlingsplater.
Eigedomen har lett og trappefri tilkomst frå parkeringsplass til leilegheita.
Leilegheita har ein plass i felles carportanlegg. I tillegg er det oppstillingsplass på taket av carporten.
Eigedomen er ikkje oppmålt av meklar. Oppgjeve areal, både innvendig og utvendig er henta frå rapport frå takstmann. Salsoppgåva er basert på seljar sine opplysningar gjeve til takstamann, meklar og opplysningar innhenta frå kommunen og andre offentlege kjelder. Interessentar oppmodast til å undersøkje eigedomen godt, gjerne saman med sakkyndig, før bod vert gjeve. Det er ikkje kontollert at tomtegensene stemmer med dei grensene som er fysisk sett.
Ingen tilstandsgrad 3
I tilstandsrapport frå takstmann er desse elementa gjeve tilstandsgrad 2:
Sjå tilstandsrapport vedlagt i prospekt for utvida informasjon.
Bustaden er oppført i tre.
Sjå rapport frå takstmann for utvida informasjon om bustaden sin bygge og konstruksjonsmåte.
Denne tomten er eiet.
3717,00 kvm.
Sørvendt og solrik tomt med fantastisk fin utsikt.
Fint opparbeida tunområde med asfaltert innkøyrsle, biloppstillingsareal og gangsti.
Det er utstedt ferdigattest, datert: 02.11.2015.
Dette er ein sjølveigd eigedom og kan i si heilheit fritt utleigast.
Elektrisk hovudoppvarming..
Varmepumpe i stova og varmekablar på badet.
Energikarakter: B - Rød
Energiforbruket vil variere fra husstand til husstand.
Prisantydning kr 3 450 000,-
I tillegg til prisantydning kjem følgjande omkostningar:
91 750,00,- (Dokumentavgift)
260,00,- (Pantattest kjøper)
545,00,- (Tingl.gebyr pantedokument)
545,00,- (Tingl.gebyr skjøte)
_______________________________________________________
3 543 100,- Totalpris inkl. omkostningar
_______________________________________________________
Det ovanståande føreset at eigedomen vert seld til prisantydning og at det berre vert tinglyst eitt pantedokument. Det vert teke atterhald om endringar i offentlege gebyr.
Kr. 700,- pr. mnd.
Fellesutgifter omfattar byggforsikring, snørydding og diverse vedlikehald av fellesareal/eigedom
Fellesutgifter vert fastsette av styret, normalt for eitt år om gongen. Ved behov kan styret auke fellesutgiftene. Opplysningar om fellesutgifter er gjevne av eigar ved utarbeiding av denne salsoppgåva, og fellesutgiftene kan difor vere endra utan at eigedomsmeklar har fått melding om dette.
Kr. 9 738,- for 2026.
Eigedomsskatt for 2026 kr. 11 452,-
Renovasjon vert fakturert frå Volda Ørsta Reinhaldsverk. Standard abonnement for renovasjon er kr. 5 324,- for 2026.
Kommunale avgifter, eigedomsskatt, fellesutgifter, renovasjon, forsikring, straumforbruk og liknande.
11452,00
Kommunen har innført eiendomsskatt. Denne baseres denne på markedsverdien minus bunnfradrag multiplisert med den promillesats som til enhver tid gjelder for den enkelte kommune (p.t 2-7 promille). Spørsmål om eiendomsskatt rettes til kommunen.
Meklar har rekvirerrt formuesverdi frå skatteetaten men ikkje motteke denne.
Formuesverdien er mellom anna avhengig av om bustaden blir nytta som primær- eller sekundærbustad. Primærbustad blir vanlegvis verdsett til ein lågare del av berekna marknadsverdi (om lag 25 %). For primærbustad kan verdsetjinga variere avhengig av bustadens verdi og gjeldande regelverk. Sekundærbustad blir verdsett til ein høgare del (inntil 100 %). Det er vedteke endringar i berekningsmodellen for formuesverdi frå skatteåret 2026, og endeleg formuesverdi kan bli høgare enn oppgitt.
Sameiget Bjørkevegen 18 og 20, Orgnr: 918 902 554
Forretningsfører: Ingeborg Eikenes
Sameiet består av 8 seksjoner og den aktuelle seksjonen har sameiebrøk 1/8
Eiendommen er forsikret gjennom fellespolise i sameiget.
Årsrekneskap for sameiget kan ein sjå på meklar sitt kontor.
Vedtekter ligg vedlagt i salsoppgåva.
Det er planlagt måling av eigedomen i løpet av komande sommar.
Dyrehald er tillate.
Eigedomen er omfatta av regulerinsplan Engeset terrasse K11, med Ikrafttredelsesdato: 16.11.2009. Konsentrert småhusbusetnad.
Reguleringsplanen kan sjåast på kommunen si heimeside eller på meklar sitt kontor.
Eigedomen er tilknytt offentleg veg, vatn og avløp.
Eiendommen overdras fri for pengeheftelser. Kommunen har lovbestemt legalpant i sameiets eiendom som sikkerhet for betaling av kommunale gebyr. Iht. eierseksjonsloven § 31 har sameiet legalpant for forfalte felleskostnader og andre krav. Pantet er begrenset til 2G per bruksenhet.
Dnr. 1062796, tgl. 03.12.2014 - Seksjonering
SNR: 1
Formål: Bolig
Tilleggsdel: Bygning
Sameiebrøk: 1 / 8
Dnr. 430614, tgl. 18.05.2015 - Best. om vann/kloakkledn.
Bestemmelse om bebyggelse
Med flere bestemmelser
Bestemmelse om anlegg og vedlikehold av ledninger m.m.
For servitutter eldre enn fradelingsdato og eventuelle arealoppføringer som kan ha betydning for denne matrikkelenheten vises det til avgivereiendommen. Slike dokumenter er normalt ikke innhentet i forbindelse med salget.
I salsoppgåva finn du NEF si standardliste «Oversikt over lausøyre og tilbehøyr». Lista gjeld med mindre noko anna er særskilt opplyst i salsoppgåva. Dersom noko som står på lista ikkje finst på eigedomen, følgjer det heller ikkje med. Med mindre anna er opplyst, følgjer integrerte kvitevarer på kjøkenet med. Alt lausøyre og utstyr som følgjer med vert overdrege utan garantiar, utover eventuell attståande leverandørgaranti. Kjøpar må rekne med at det kan vere hol og merke etter innreiing eller utstyr som ikkje følgjer med.
Etter avtale.
Salsoppgåva er basert på opplysningar frå seljar gitt til bygningssakkunnig, eigedomsmeklar og opplysningar innhenta frå kommunen, evt. forretningsførar og andre tilgjengelege kjelder. Interessentar vert oppmoda om å undersøkje eigedomen grundig, gjerne saman med sakkunnig, og til å lese gjennom fullstendig salsoppgåve med vedlegg før bod vert gjeve. Det er ikkje kontrollert om tomtegrensene samsvarer med dei grensene/gjerda som fysisk er sette opp. Det kan vere avvik frå dagens rombruk/romnemning i høve til det opphavleg byggjemelde/godkjende. Salsoppgåva er lesen og godkjend av seljar.
Seljar har teikna bustadseljarforsikring levert av Gjensidige. Forsikringa dekkjer seljar sitt ansvar etter avhendingslova avgrensa opp til kr 14 000 000,-. Eigenerklæringsskjema er vedlagt salsoppgåva, og interessentar vert oppmoda om å gå gjennom dette før bod vert gjeve.
Saman med Gjensidige har vi skreddarsydd eit gunstig forsikringskonsept for deg som kjøper bustad.
Kjøparar (ikkje juridiske personar) har høve til å teikne bustadkjøparpakken. Pakken inkluderer m.a. husforsikring, innbuforsikring Pluss, dobbel rentedekning, flytteforsikring og bustadkjøparforsikring som gir deg juridisk bistand dersom du ønskjer å reklamere på bustadkjøpet.
Kjøparar (ikkje juridiske personar) kan også velje å berre teikne bustadkjøparforsikring.
Bustadkjøparpakken/bustadkjøparforsikring må teiknast seinast i samband med kontraktsmøtet.
Produktark for bustadkjøparpakken og bustadkjøparforsikring ligg vedlagt i salsoppgåva. Ta kontakt med meklar for ytterlegare informasjon.
Vi oppmodar alle til å lese Forbrukarinformasjon om bodgiving før bod vert gjeve. Alle bod og bodforhøgingar skal givast skriftleg til meklar. I tillegg er meklar pålagd å innhente gyldig legitimasjon og signatur frå bodgjevar før bod kan formidlast til seljar. Det vert gjort merksam på at det ikkje er angrerett ved kjøp av eigedom, og ved aksept av bod er det inngått bindande avtale mellom seljar og kjøpar. Bodgjevarar som byr saman er sjølve ansvarlege for interne avklaringar og samtykke knytt til bodgivinga.
Kravet til legitimasjon og signatur er oppfylt for bodgjevarar som nyttar BankID, og vi oppmodar difor alle til å gje bod elektronisk ved å nytte «GI BUD»-knappen på eigedomen si heimeside. Eventuelle forhøgingar kan sendast ved å svare direkte på motteken SMS frå meklar sitt system. Alle bodforhøgingar skal stadfestast av meklar.
For at boda skal kunne verte handsama og vidareformidla skriftleg til alle involverte partar, må alle bod ha ein tilstrekkeleg lang akseptfrist, jf. eigedomsmeklingslova § 6-8 (3). Seljar må også skriftleg akseptere bodet før aksept kan formidlast til bodgjevar. Akseptfrist på alle bod skal vere minimum 30 minutt, og bodforhøgingar må skje i god tid før fristen går ut. Bod som ikkje er skriftlege, eller som har kortare akseptfrist enn til kl. 12.00 dagen etter siste annonserte visning, vil ikkje bli formidla til seljar.
Eigedomsmeklar har ikkje lov til å formidle hemmelege bod eller bod med atterhald som hindrar meklar i å formidle bodet til andre enn seljar, jf. eml § 6-8 (3). Slike bod vil difor ikkje bli formidla til seljar.
Eigedomsmeklar er i samsvar med eml § 6-8 (6) pålagd å gjennomføre kontroll av bodgjevarane si finansiering. Dersom det ikkje er mogleg for meklar å gjennomføre dette før aksept av bod, pliktar meklar å åtvarte seljar om risiko knytt til dette.
Seljar står fritt til å akseptere eller forkaste kvart bod, og er såleis ikkje forplikta til å akseptere det høgaste bodet på eigedomen. Seljar kan ved vurdering av bod også leggje vekt på andre vilkår og kjøparen sin status som forbrukar eller næringsdrivande, dersom dette har betydning for handelen. Etter at eigedomen er seld vil kjøpar og seljar få tilsendt bodjournal. Andre bodgjevarar kan få utlevert kopi av bodjournalen i anonymisert form.
Det vert gjort merksam på at bodgjevar også vil vere den som vil stå som kjøpar av eigedomen. Dersom ein etter at bod er akseptert ønskjer å endre kven som skal stå som eigar, føreset dette at seljar godkjenner ei slik endring. Alle involverte partar skal signere kjøpekontrakt og er solidarisk ansvarlege for kjøpet fram til oppgjeret er gjennomført. For seksjon/andel/aksjebustad vil forretningsførar normalt krevje ekstra eigarskiftegebyr dersom dei har motteke eigarskiftemelding og det i ettertid skal leggjast til eller endrast kjøpar. Eigarskiftemelding vert normalt sendt frå meklar til forretningsførar same dag som bodaksept.
Eigedomsmeklingsføretak pliktar etter lov om kvitvasking å gjennomføre kontrollhandlingar knytte til kjøpar og seljar sin identitet og forhold knytte til gjennomføringa av handelen. Dette omfattar også opplysningar om føremålet med kundeforholdet og den tilsikta arten av dette. For kjøpar må kontroll av legitimasjon skje seinast ved inngåing av kontrakt. Signering med BankID vert rekna som gyldig legitimasjonskontroll. Ved oppdrag der juridiske personar (selskap) er part, må eigedomsmeklar også gjennomføre kontroll av kva fysiske personar som kontrollerer selskapet (reelle rettshavarar). Dersom meklar ikkje klarer å gjennomføre pålagde kundetiltak, må meklar avvise kunden og oppdraget. Meklar har også plikt til å melde frå om forhold som ikkje er avklarte og framstår som mistenkjelege til Økokrim. Meklar kan også i enkelte tilfelle ha plikt til å stanse gjennomføringa av handelen.
Eigedomsmeklar pliktar å gjennomføre undersøkingar av kjøpar sin eigenkapital og eventuelt andre forhold knytte til kjøpar. Den delen av kjøpesummen som er eigenkapital skal betalast inn frå kjøpar sin konto i norsk finansinstitusjon.
Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, mellom anna salsoppgåve, tilstandsrapport og seljar si eigenerklæring. Kjøpar vert rekna for å vere kjend med forhold som er tydeleg skildra i salsdokumenta. Forhold som er skildra i salsdokumenta kan ikkje gjerast gjeldande som manglar. Dette gjeld uavhengig av om kjøpar har lese dokumenta. Alle interessentar vert oppmoda om å undersøkje eigedomen nøye, gjerne saman med fagkunnig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde ha vorte kjend med ved undersøkinga.
Dersom det er behov for avklaringar, tilrår vi at kjøpar rådfører seg med eigedomsmeklar eller ein bygningssakkunnig før det vert lagt inn bod.
Dersom eigedomen ikkje er i samsvar med det kjøpar må kunne forvente ut frå alder, type og synleg tilstand, kan det vere ein mangel. Det same gjeld dersom det er halde tilbake eller gjeve uriktige opplysningar om eigedomen og dette har verka inn på avtalen. Ein bustad som har vore brukt over tid vil vanlegvis ha vore utsett for slitasje, og det kan ha oppstått skadar. Slik bruksslitasje må kjøpar rekne med, og det kan verte avdekt enkelte forhold etter overtaking som gjer utbetringar nødvendige. Normal slitasje og skadar som krev utbetring ligg innanfor det kjøpar må forvente og vil ikkje utgjere ein mangel.
Bustaden kan ha ein mangel dersom det er avvik mellom opplyst og faktisk areal, føresett at avviket er på 2 % eller meir og minimum 1 kvm.
Ved utrekning av eit eventuelt prisavslag eller erstatning må kjøpar sjølv dekkje tap/kostnader opp til eit beløp på kr 10 000 (eigendel).
Dersom kjøpar ikkje er forbrukar, vert eigedomen seld «som han er», og seljar sitt ansvar er då avgrensa, jf. avhl. § 3-9 andre punktum. Informasjon om kjøpar si undersøkingsplikt, mellom anna oppmodinga om å undersøkje eigedomen nøye, gjeld også for kjøparar som ikkje vert rekna som forbrukarar.
Eigedomsmeklar sin standardkontrakt inneheld mellom anna føresegner om at dersom det ligg føre vesentleg mishald, har seljar rett til å heve etter 30 dagar frå avtalt betalingstid. Kjøpar aksepterer dette som bindande for seg.
Det vert føresett at heimel til eigedomen vert overført til kjøpar. Dersom dette ikkje er ønskjeleg må det takast atterhald i bodet. Kjøpar utan norsk fødselsnummer må rekne med at D-nummer kan vere nødvendig for tinglysing og gjennomføring av oppgjer. Dersom dette ikkje ligg føre i tide, kan overtaking, tinglysing og utbetaling til seljar bli forseinka. Kjøpar ber sjølv ansvaret for nødvendig dokumentasjon og eventuelle meirkostnader knytte til dette.
Ingen kan direkte eller indirekte erverve meir enn to bustadseksjonar i eit bustadsameige, jf. eigarseksjonslova § 23. Dersom eit erverv har funne stad i strid med reglane i eigarseksjonslova, kan Kartverket nekte overskøyting. Dersom overskøyting vert nekta, er kjøpar likevel forplikta til å gjennomføre handelen med seljar, og oppgjer til seljar vil finne stad trass manglande overskøyting.
Sameiget kan påleggje sal/tvangssal av seksjonen som er erverva i strid med denne føresegna.
Korttidsutleige av heile bustadseksjonen i meir enn 90 døgn årleg er ikkje tillate i samsvar med eigarseksjonslova § 24. Med korttidsutleige meiner ein utleige i inntil 30 døgn samanhengande. Grensa på 90 døgn kan fråvikast i vedtektene og kan i så fall setjast til mellom 60 og 120 døgn.
Frivillig sal av fast eigedom vert regulert av lov om avhending av fast eigedom av 3. juli 1992 nr. 93.
Vedlagt i salsoppgåva ligg det tilstandsrapport frå takstmann, egenerklæringsskjema frå seljar og nabolagsprofil.
Alle interessentar vert oppmoda til å setje seg inn i dei framlagde dokumenta før dei gjev inn bod.
Vi gjer merksam på at det er Kragset & Partners sine standard kjøpekontrakter vert nytta i handelen dersom det ikkje vert avtalt noko anna før handel har komt i stand.
Alle innhenta og kontrollerte innhenta dokument vert vedlegg til kjøpekontrakta.
Det vert gjort merksam på at føretaket handsamar personopplysningar, og all handsaming skjer i samsvar med personvernregelverket. Meklarføretaket handsamar berre personopplysningar som er nødvendige for å gjennomføre oppdraget. Det vert gjort merksam på at vi deler dine personopplysningar med offentlege styresmakter i den utstrekning det er nødvendig, og med verksemder som tilbyr tenester for gjennomføring av oppdraget. For meir informasjon, sjå personvernerklæring på føretaket si heimeside.
Eigedomen si adresse er Bjørkevegen 18 B.
Matrikkel tilhøyrande eigedomen: gnr. 18, bnr. 418, snr. 1 i Volda.
Sameiebrøk: .
Vårt oppdragsnummer er 196260115.
Meklarføretaket sitt vederlag vert dekt av seljar og fylgjande er avtalt:
Provisjon: 1,5% av salgssum
Tilretteleggingsgebyr: kr. 9 900,- inkl. mva.
Oppgjørshonorar: kr. 4 900,- inkl. mva.
Markedsføringspakke: kr. 19 900,- inkl. mva.
Visningshjelp: kr. 1 900,- pr. visning.
Seljar dekkjer i tillegg innhenting av opplysningar frå offentlege instansar samt alle direkte utlegg.